Nën patronatin e Presidentit të Republikës së Kosovës Fatmir Sejdiu, u mbajt në Koshare manifestimi kushtuar 11-vjetorit të thyerjes së kufirit shqiptaro-shqiptar, e njohur si Beteja e Koshares, ku luftëtarët e Ushtrisë Çlirimtare të Kosovës, me një sulm frontal fillojnë thyerjen e kufirit shqiptaro-shqiptar.

Presidenti Sejdiu tha me këtë rast se sa herë flet për Betejën e Koshares ndjehet krenar që mund te flas për një ngjarje të veçantë të historisë sonë moderne dhe për personalitete të çmuara të kombit tonë.

Sejdiu tha se ushtria që kishte ideal çlirimin, në një luftë ngadhënjyese lëvizi përpara për të mos u kthyer kurrë pas. Bejtja e Koshares, e njohur si aksioni “Shigjeta”, është zhvilluar nën komandën e Shtabit të Përgjithshëm të Ushtrisë Çlirimtare të Kosovës.

< Paraprake		Pasuese >