Me rastin e Ditës Ndërkombëtare të Romëve, Presidenti i Kosovës Fatmir Sejdiu ka pritur në një takim përfaqësuesit e komunitetit rom. Ai u ka konfirmuar mbështetjen e fuqishme të institucioneve për integrimin e të gjitha komuniteteve, duke përfshirë edhe atë rom.

Kreu i vendit ka pritur në takim të enjten nënkryetarin e Këshillit Konsultativ për Komunitete, Kujtim Paçakun si dhe përfaqësuesit e shoqërisë civile nga komuniteti rom, Nexhip Menekshe, Bashkim Ibishin dhe Daut Qylangjiun.

Presidenti ka thënë se edhe situata në kampin e veriut duhet të përmirësohet dhe të gjendet një zgjedhje më e mirë, në mënyrë që t’u ofrohen kushtet e domosdoshme për jetë të gjithë qytetarëve të vendit pa dallim etnie.

Ndërkaq, përfaqësuesit e komunitetit rom e falënderuan presidentin Sejdiu për mbështetjen që po ofron në integrimin e këtij komuniteti në të gjitha fushat e jetës, si në arsim, kulturë dhe në sfera të tjera.
 

< Paraprake		Pasuese >