"Një mijë qytete, një mijë jetë", kjo është motoja me të cilën po shënohet Dita Botërore e Shëndetësisë në të gjithë botën.

Në një tryezë të rrumbullakët në Prishtinë pikërisht për këtë ditë u tha se zonat urbane kanë rritje të faktorëve të rrezikut për sëmundje. 

Qendrat e mëdha janë në fokus pasi gjysma e popullsisë botërore jeton në qytete dhe deri në vitin 2030,  6 nga 10 njerëz do të jetojnë në rajone urbane.

Ministrti i Ambientit, Mahir Yagcilar tha se do u ndihmojë komunave për të mbrojtur ambientin, pasi asnjëra nga prej tyre nuk trajton ujërat e zeza.

Në këtë tryezë u vlerësua se Prishtina, pjesë e njëmijë qyteteve,  është njëri ndër qytetet më të rrezikuara për shkak të trafikut të dendur, ndërtimeve, ushqimeve të shpejta, papastërtisë si dhe për shkak të afërsisë së saj me termocentralet e Kastriotit.

Nënkryetari i Prishtinës Abdullah Hoti, tha se po punohet që kryeqendra të jetë një vend me cilësi më të lartë urbane.
Eksperti i ambientit, Luan Shllaku tha se mjedisi kosovar është brenda kapaciteteve të viteve '70.
 

< Paraprake		Pasuese >