Dogana e Kosovës ka parandaluar kontrabandimin 7 revoleve të ndryshme si dhe 2 shisheve të mbushura me municion në rajonin e Mitrovicës.

Sendet e konfiskuara janë gjetur në dyert e një automjeti i cili drejtohej nga një shtetas i Bosnjës dhe Hercegovinës.

Oficerët doganorë gjatë kontrollit në derën e pasme te veturës kanë vërejtur se bulonat janë lëvizur dhe kanë kuptuar se dera kishte peshë më të madhe.

Pas hapjes janë gjetur revolet e fshehura, kurse i dyshuari është arrestuar menjëherë. Pas kontrollit të imtësishëm është gjetur armatim i futur në rezervuarin e veturës. Dyshohet për një sasi tjetër të konsiderueshme të revoleve dhe municionit.

Sasia e municionit si dhe e revoleve që gjendeshin në rezervuar të veturës ende nuk dihet pasi gjatë ditës së hënë është bërë ç’montimi i automjetit. Rasti është dorëzuar në Policinë e Kosovës për procedim të mëtejshëm.
 

< Paraprake		Pasuese >