Zëvëndës sekretari amerikan i Shtetit, James Steinberg, ka thënë se pavarësia e Kosovës ka qenë një forcë për stabilitet në rajon dhe se, në këtë vend është bërë përparim i jashtëzakonshëm, gjatë dy viteve të pavarësimit.

Ai i bëri këto komente në prag të vizitës së tij në Bosnje, Serbi dhe Kosovë. Steinberg tha se, do të bisedojë në lidhje me marrëdhëniet ndërmjet Prishtinës dhe Beogradit.

Megjithatë njëra nga çështjet për të cilat ai shprehu interesim është se si të lehtësohet puna e EULEXit në Kosovë, dhe se si të ndërtohen ura ndërmjet komunitetit shqiptar dhe serb.

Ai tha se, ShBA-të dëshirojnë të shohin që kosovarët të gëzojnë përfitime që mund të kenë edhe vendet tjera në rajon.

 

< Paraprake		Pasuese >