Me motot "Liri për çlirimtarët" dhe "Stop proçeseve të montuara politike", qindra protestues, demonstruan sot para Teatrit Kombëtar në Prishtinë, për lirimin e Burim e Arsim Ramadanit dhe Arben e Jeton Kiqinës, të dënuar nga Gjykata Supreme e Kosovës me 106 vjet burgim, si fajtor për vrasjen e Hamëz Hajrës dhe familjes së tij.

Protesta është përkrahur nga Këshilli për Mbrojtjen e të Drejtave dhe Lirive të luftëtarëve të UÇK-së, Lëvizja për Bashkim, Lëvizja Vetëvendosje si edhe shoqata e të burgosurve politikë.

Protestuesve iu është drejtuar Adem Demaçi dhe Rexhep Selimi të cilët bënë thirrje që të ndërpriten padrejtësitë e çlirimtarëve. Ata lutën që të mos mbahen në burg pa prova çlirimtarët e Kosovës.
 

< Paraprake		Pasuese >