Shefi i diplomacisë serbe, Vuke Jeremiq, nuk e konsideron lajm të mirë për Serbinë shtyerjen
e mendimit të Gjykatës Ndërkombëtare të Drejtësisë në lidhje me shpalljen e pavarësisë së Kosovës.

"Ende nuk ka informata zyrtare lidhur me atë se kur do të shpallë mendimin. Duket sikur po ndodh një shtyrje e konsiderueshme dhe për këtë flasin disa lajme joformale", ka thënë Jeremiq për mediat serbe.

Sipas Jeremiqit është shumë vështirë të pritet të thuhet se shpallja e pavarësisë së Kosovës është në përputhje me të drejtën ndërkombëtare.
"Nëse kjo ndodh, atëherë asnjë kufi ndërkombëtar nuk do të jetë i sigurt. Do të ketë shumë vende të cilat që nga ai moment do të kenë probleme të mëdha me ruajtjen e tërësisë së tyre territoriale", ka thënë Jeremiq.

< Paraprake		Pasuese >