Presidenti i Serbisë Boris Tadiq i ka thënë shefes për politike të jashtme dhe siguri të BE-së, Ketrin Eshton se vendi i tij nuk do ta njohë kurrë pavarësinë e Kosovës.
Të shtunën ai pritet ta takojë edhe presidentin Herman fan Rompuj.

Tadiq deklaroi se kur është fjala për Kosovën, Serbia flet me UNMIK-un ose EULEX-in dhe shtoi se është bërë progres në implementimin e planit gjashtëpikësh.

Ai tha se shpreson që do të gjendet një kompromis gjithpërfshirës me të cilin do të zgjidhet suksesshëm çështja e transportit, gjykatave, policisë dhe doganave në atë mënyrë që Serbia në asnjë variant të mos detyrohet ta pranojë pavarësinë e Kosovës. Ndryshe, Tadiq u ka bërë thirrje liderëve të Kosovës të mos shfrytëzojnë takimet rajonale si një mënyrë shantazhi për njohje.
 

< Paraprake		Pasuese >