Efektet e humbjes së LDK-së, përkatësisht të kandidatit të saj për kryetar në zgjedhjet e fundit të mbajtura në Gjilan, kanë filluar të dalin në sipërfaqe dhe kanë revoltuar strukturat e këtij subjekti politik, ku për rrjedhojë nëndega e LDK-së në Llashticë ka vendosur ta ngrijë aktivitetin e saj politik.

Përfaqësues të LDK-së, nga nëndega e Llashticës, janë shprehur të indinjuar me humbjen që ka pësuar ky subjekt politik në zgjedhjet e fundit, përkatësisht të humbjes së Fatmir Rexhepit në garën për kryetar komune.

Ata kanë fajësuar për këtë organet më të larta të partisë në qendër, por edhe ato në degë që nuk e kanë mbështetur kandidatit e LDK-së, Fatmir Rexhepi në garën e tij për kryetar të Gjilanit. Në anën tjetër, zyrtarë të lartë të degës së LDK-së në Gjilan, janë shprehur se nuk janë në njohuri për ndonjë veprim që ka marrë ndonjë nëndegë për ta pushuar aktivitetin e saj, e me këtë rast as nëndega e këtij subjekti në fshatin Llashticë të Gjilanit.
 

< Paraprake		Pasuese >