Policia e Kosovës nisi nga sot zbatimin e planit të ri për pikat kufitare 1 dhe 31. Kjo bëhet të njëjtën ditë edhe nga KFOR-i, por me një tjetër plan i cili thuhet se nuk ka të bëjë me atë policor të Kosovës.

Deri më 27 mars, paqeruajtësit e NATO-s do të dalin nga kazermat dhe pritet të shpërndahen në tërë territorin, përfshirë veriun. Zyrtarisht, gazeta Express shkruan se planet nuk kanë lidhje njëra me tjetrën. Plani i ri i Policisë Kufitare dhe misionit të EULEX-it, nga e hëna, qytetarët që hyjnë dhe dalin nga këto dy pika kufitare, do t’iu nënshtrohen disa masave më rigoroze të kontrollit.

Zyrtar të Policisë kufitare kanë konfirmuar se tash e tutje, gjithçka që hyn dhe del nga Kosova nëpërmjet këtyre dy pikave kufitare, do të regjistrohet në sistemin kompjuterik. 

< Paraprake		Pasuese >