Policia e Kosovës ka bërë të ditur se periudhën janar-20 mars ka arrestuar gjithsej 1518 persona, ndërsa ka konfiskuar mbi 60 kilogramë substanca narkotike.

Zëdhënësi Baki Kelani, gjatë një konference për shtyp ka thënë se krahasuar me vitin e kaluar, është konfiskuar sipas tij një sasi dukshëm më e madhe e narkotikëve, ku brenda më pak se tre muaj ka konfiskuar 15 kilogramë heroin, 47 kilogramë marihuanë.

Ai ka lavdëruar punën e policisë duke thënë se ajo ka arritur rezultate pozitive fal angazhimeve në terren.

“Policia është treguar efektive edhe kundër luftimit me qenie njerëzore, duke zhvilluar gjithsej 54 operacione, në të cilat janë prangosur 18 persona, ndërkaq sipas analizave të Departamentit për çështje të komunitetit në bazë dhe intervistave me qytetarë të të gjitha komuniteteve, del se shumica e qytetarëve konsiderojnë se në Kosovë ka liri të lëvizjes”, ka thënë Kelani.

Në bazë të dhënave numri i të arrestuarve, tre muajt e parë të vitit është në rënie, ndërsa ai të mbajturve të paraburgim i luhatshëm. Gjatë këtij viti Policia e Kosovës ka arrestuar mbi 1.500 persona dhe prej tyre janë dërguar në mbajtje 1.046, ka thënë zëdhënësi Kelani.

< Paraprake		Pasuese >