Gjykata komunale e Gjilanit ka dënuar shtatë policë të vijës kufitare me akuzën për marrje ryshfeti dhe keqpërdorim të detyrës zyrtare. Ata janë dënuar me burgim prej dy deri në pesë muaj, ndërsa gjashtë të tjerë, mes tyre një femër, që ishin nën hetim, u shpallën të pafajshëm.

Njëri prej avokatëve mbrojtës Ramadan Leka ka thënë se gjykata ka shpallur fajtor policët Refik Basha, Nexhat Daku, Berat Abdullahu, Bajram Novobëraliu, Bajram Ramadani, Dragan Cvetanoviq dhe Skënder Shala, ndërsa sipas tij, të pafajshmit janë Miodrag Rajqiç, Fatmir Idrizi, Bajram Gashi, Dragan Jovanoviq, Nadije Abdullahu dhe Besim Kryeziun.

Avokati Leka, mbrojtës i një prej të dënuarve me burgim Dragan Cvetnoviq, tha se ai dhe kolegët e tij paralajmërojnë ankesa në shkallën e dytë të gjyqësisë kundër këtij aktvendimi, për shkak se sipas tij nuk janë treguar provat e veprës penale dhe për shkak se mungon “korpus delikti”.

Ai këtë e provon me video incizimet, të cilat janë përdorur si provë gjatë shqyrtimit kryesor të kësaj çështje penale, ku sipas tij klienti nuk është parë të ketë marrë mito. Të akuzuarit u arrestuan më 19 tetor të vitit 2009, derisa oficeri Besim Kryeziu është mbrojtur në liri.

 

< Paraprake		Pasuese >