Pothuajse të gjithë liderët ballkanik u mblodhën të shtunën në Bërdo të Kranjit në Slloveni, ata u pritën nga kryeministri slloven Borut Pahor dhe ajo kroate Jadranka Kosor.

Të pranishëm ishin kryeministri i Kosovës Hashim Thaçi, ai i Shqipërisë Sali Berisha dhe Milo Gjukanoviq në emër të Malit të Zi.

Nuk munguan as përfaqësuesi maqedonas e as ai nga Bosnja e Hercegovina. Në mes të lidërve ishte edhe shefi i UNMIK-ut Lamberto Zanier.

Në takim, ashtu si edhe ishte njoftuar mungoi presidenti i Serbisë Boris Tadiq, e ndërkaq kryeministriu Thaçi nuk e komentoi mungesën e tij.

Homologu i tij shqiptar Berisha tha se prania e Kosovës është një kontribut i paqes sigurisë dhe integrimit të rajonit.
Në këtë konferencë njëditore, po mungojnë edhe kryetari i Këshillit të Evropës, Herman Van Rompuj dhe shefi i diplomacisë spanjolle, Migel Anhel Moratinos. Bashkimi Evropian po përfaqësohet vetëm nga komisionari për zgjerim Shtefan Fyle.
 

< Paraprake		Pasuese >