Serbia duket se nuk do të bllokojë punimet e samitit të nesërm i cili mbahet në Bërdo të Sllovenisë. Kryeministri i këtij vendi Borut Pahor, ka deklaruar se konferenca për Ballkanin Perëndimor në Bërdo do të mbahet nesër me ose pa pjesëmarrjen e Serbisë.

Pjesëmarrjen në samitin e nesërm për të ardhmen evropiane të Ballkanit Perëndimor në Brdo të Kranjit e kanë konfirmuar deri më tash gjashtë kryeministra të vendeve të rajonit.

”Secili që nesër do të vijë në konferencë do t’i kontribuojë dialogut me qëndrimin e vet në lidhje me këtë çështje. Kush nuk vjen, nuk do ta gjykojmë”, ka thënë të premten Pahor në Lubjanë.

Në samit so të jenë të pranishëm kryeministrja e Kroacisë Jadranka Kosor, ktyeministri I Sllovenisë Borut Pahor, kryeministri i Kosovës Hashim Thaçi, kryesuesi i Këshillit të ministrave të Bosnjës Nikolla Shpiriq dhe kryeministri maqedonas Nikolla Gruevski.

Mali i Zi edhe pse nuk dihet ende zyrtarisht, do të prezantohet nga kryeministri Millo Gjukanoviq. Konferenca do të fillojë në orën 10.00. Tashmë, kryeministri i Kosovës, Hashim Thaçi, është nisur drejt Lubjanës.
 

< Paraprake		Pasuese >