Kryeministri i Republikës së Kosovës Hashim Thaçi ka udhëtuar për në Lubjanë të Sllovenisë, për të marrë pjesë në konferencën rajonale, që do të mbahet në Bërdo.

Ky samit ka sjellë prej javësh reagime të Serbisë dhe Kosovës rreth çështjes së pjesëmarrjes së tyre.
Serbia nëpërmjet presidentit të saj Boris Tadiq ka zbehur mundësinë për përfaqësim në këtë takim pasi si kush ka paraqitur pjesëmarrjen e Kosovës si “Kosovo-UNMIK”.

Në anën tjetër, Kosova nëpërmjet krerëve të saj ka bërë të qartë se do të marrë pjesë vetëm si shtet i pavarur. Zëvendëskryeministri Hajredin Kuçi në një deklaratë të tij ka thënë se ftesa për pjesëmarrje, kryeministrit Hashim Thaçi i është dërguar në cilësinë e kryeministrit të një shteti sovran dhe në këtë cilësi edhe do të shkohet në Bërdo.

Për të bindur Serbinë që të marrë pjesë në këtë Konferencë ka udhëtuar para dy ditësh në këtë vend edhe kryeministri slloven Borut Pahor, por duket se ende nuk ka një konsensus të arritur për këtë. Bëhet e ditur se Serbia është e vetmja që deri tani nuk ka konfirmuar pjesëmarrjen e saj, ndërkohë që në konferencë pritet të marrin pjesë të gjitha vendet e Ballkanit perëndimor, me qëllim për të tubuar liderët e Ballkanit perëndimor që të diskutojnë bashkë me liderët e BE-së perspektivën evropiane të rajonit.
 

< Paraprake		Pasuese >