Presidenti i Kosovës Fatmir Sejdiu ka deklaruar se varet nga arritjet e Kosovës se kur do të jetë pjesë e BE-së dhe NATO-s.

Presidenti Sejdiu e bëri këtë deklaratë sot pas një takimi që zhvilloi me komisionarin e BE-së për zgjerim, Stefan Fule.
Kurse Fule ka ritheksuar përkushtimin e BE-së për perspektivën e Kosovës dhe ka porositur që është e rëndësishme që Kosova të jetë e angazhuar për realizimin e reformave evropiane. në takim është folur për Raportin e progresit, për të cilën Fule ka thënë se duhet angazhim për sundimin e ligjit, luftën kundër krimit dhe korrupsionit dhe instalimit të qeverisjes së mirë.

Pjesë e diskutimit ka qenë edhe përmbushja e kritereve për liberalizimin e vizave, ndërkaq Fule e ka theksuar nevojën e bashkëpunimit të shteteve të rajonit. Fule është duke zhvilluar një vizitë zyrtare në Kosovë, ku pas takimit me presidentin Sjediu, ai do të takohet edhe me kryeministrin Thaçi dhe kreyparlamentarin Krasniqi.

< Paraprake		Pasuese >