Serbia ka mundësi të mos marrë pjesë në konferencën për Ballkanit Perëndimor në Bërdo të Sllovenisë, shkruan e përditshmja beogradase “Blic”, duke cituar burime të kabinetit të presidentit Boris Tadiq.

Thuhet se në takimin me kryeministrin slloven Borut Pahor, Tadiq nuk ka pranuar që të shkohet në konferencë pa siglën e shtetit nga vjen pjesëmarrësi. Ai insiston që të emërtohen pjesëmarrësit nga shteti nga vijnë.

Sipas këtij burimi, presidenti serb pas takimit të mbrëmshëm me kryeministrin slloven, Borut Pahor, ka qenë i zemëruar, pasi organizatorët Sllovenia dhe Kroacia, tentojnë të përmbysin parimet për të cilat janë pajtuar që në fillim të negociatave për mbajtjen e konferencës, shkruan kjo gazetë.

Ndërkohë Kosova riktheson se do të marrë pjesë si shtet i pavarur. Pjesëmarrjen e kanë konfirmuar të gjitha vendet e Ballkanit Perëndimor, përveç Serbisë.

< Paraprake		Pasuese >