Ministri i Punëve të Brendshme, Zenun Pajaziti, tha sot se ka pasur shqetësime që kanë mundur të sjellin dyshime për aktivitete ekstremiste, mirëpo siguria në Kosovë nuk është cenuar. 

Këto komente ai i bëri pas takimeve të ndara që pati sot me kreun e bashkësisë Islame të Kosovës, Naim Tërnava dhe me atë të Ipeshkvisë së Kosovës, Dodë Gjergji.

Këta dy të fundit ndërkaq, komentuan zhvillimet e fundit që lidhen me aspektin religjioz. Kryemyftiu Tërnava tha se rastet e fundit të mos-lejimit të vijimit të shkollimit, për shkak të mbajtjes së mbulesës, janë kundër konventave ndërkombëtare, që janë të zbatueshme edhe në Kosovë.

Ndërkaq, Imzot Gjergji, shprehu kundërshtimin që të ngrihen paralelizma mes rastit të largimit të hoxhës së Marinës, dhe deklaratave të priftit, Anton Kcira në SHBA. Kreu i Ipeshkvisë, foli edhe për politikë, ku vlerësoi se Vatikani e ka njohur Kosovën në mënyrë indirekte, kur ka bërë thirrje që shtetet ta njohin realitetin e ri në Kosovë..
 

< Paraprake		Pasuese >