Një rrjet i organizatave joqeveritare të Ferizajt ka kërkuar të shpallet qytetare nderi drejtoresha ekzekutive e Fondit për të Drejtën Humanitare në Beograd, Natasha Kandiq.

Kjo kërkesë u drejtohet, Kuvendit Komunal të Ferizajt dhe partive politike me arsyen e njohjes së kontributit të zonjës Kandiq, për respektimin e të drejtave të njeriut. Këtë iniciativë e kanë ndërmarrë OJQ-të INPO, Avonet, IRP të mbështetur edhe nga klubi lokal i gazetarëve “Haki Braha”, në Ferizaj.

Sipas nnjë njoftimi në fillim të viteve 1990, Kandiq ka protestuar kundër torturës, përdhunimit dhe vrasjeve, duke dokumentuar mizoritë e kryera gjatë luftrave në ish-Jugosllavi mes viteve 1991 - 1999.

Komuna e Ferizajt i ka dhënë titullin e “Qytetarit të nderit” Presidentit të Republikës së Shqipërisë Bamir Topi dhe humanistit italian Don Sandro Shaboleta.

< Paraprake		Pasuese >