Një veturë e policisë së EULEX-it është sulmuar me granatë dhe armë automatike, natën ndërmjet të premtes dhe të shtunës, në afërsi të portës kufitare 31, në vendkalimin kufitar Kosovë-Serbi, në Zubin Potok.

Lajmin e konfirmoi edhe zëdhënësi i policisë së Kosovës, Besim Hoti, i cili tha se përveç dëmeve në makinë, nuk ka të lënduar.

Policia ka filluar hetimet rreth rastit. Deri tani nuk ka informacion të detajuar për kryerësit dhe motivin e sulmit.

Një sulm i ngjajshëm ka ndodhur edhe në shtator të vitit të kaluar, ku persona të panjohur qëlluan me armë zjarri në drejtim të policisë së EULEX-it, afër Zubin Potokut.
As atëherë, nuk ishte plagosur askush, ndërsa autorët ende nuk janë zbuluar.

 

< Paraprake		Pasuese >