Organizata monitoruese e zgjedhjeve në Kosovë “Demokracia në Veprim”, i ka bërë thirrje qytetarëve të Gjilanit që të dalin në votim të dielën.

Kjo organizatë ka kërkuar që procesi të jetë I drejtë dhe demokratik, ndërkohë që ka bërë të ditur se do të monitorojë edhe raundin e tretë të zgjedhjeve lokale.

“Demokracia në Veprim” do të angazhojë 169 vëzhgues të cilët do të mbulojnë të gjitha vendvotimet, si dhe do të ketë disa ekipe lëvizëse të monitoruesve.

Kjo organizatë ka përcjellur fushatën njëjavëshe paraelektorale në Gjilan, të cilën e ka vlerësuar të qetë, por ka theksuar se ka pasur raste të përdorimit të një gjuhë të ashpër politike dhe fyese e kandidatëve në garë për Gjilanin.
 

< Paraprake		Pasuese >