Forca e sigurisë së Kosovës, nuk është dëmtuar pas ngrirjes së raporteve me KFOR-in, për 5 ditë me radhë. Kështu tha sot njeriu që urdhëroi atë pezullim të raporteve, komandanti I KFOR-it Markus Bentler.

Ai tha se e rëndësishme është që tani për tani është arritur marrëveshja për bashkëpunim sikur përpara, dhe se nuk është e rëndësishme të shikohet ai incident.

Ai madje nuk deshi të flas as për shkeljen e marrëveshjes, që thuhej se ishte bërë nga FSK-ja, kur ata dolën me armë me 5 mars në fillimin e Epopesë së UCK-së.

Sipas tij nuk ka rëndësi se me kë kishin marrëveshje që atë ditë Garda e Ndertit të dal pa pushkë, por e rëndësishme dhe e bukur sipas tij është, që tani gjërat janë përmirësuar, dhe se KFOR-I do ta ndihmojë Forcën e Kosovës, që të ngrije kapacitet e plota operacionale.

Tërë këto komente, Bentler I bëri pasi vëzhgoi nga afër ushtrimet e ushtarakëve të KFOR-it nga të gjitha grupet.
 

< Paraprake		Pasuese >