Dy javë pas shfaqjes së videos tashmë të njohur të Don Anton Kçirës teksa fliste me gjuhë jo të zakontë rreth luftës në Kosovë, ka reaguar Partia Shqiptare Demokristiane e Kosovës.

Në një deklaratë për media kjo parti i cilëson deklarimet e Kçirës se shqiptarët janë qenë, si gafë e një personi dhe e kanë vlerësuar daljen në skenë të videove si qëllim për ndarjen e shqiptarëve në baza fetare dhe sipas tyre, për të zhvlerësuar kontributin e klerikeve të Kishës katolike që kanë dhenë për pavarësinë dhe lirinë e Kosovës.

“Kundershtarët e personit kanë patur per qellim ta denigrojnë ate, por fakti i publikimit të kësaj video deklarate, pas tre viteve, lë të kuptohet se persona të caktuar apo grupe qellim këqija, duan ta perdorin ketë gafë të një personi”, thuhet në deklaratë.

Partia Shqiptare Demokristiane e Kosovës apelon që të gjithë qytetarët të mos ndikohen nga individë apo grupe keqdashëse për të nxitur urrejtje ndervllazërore.


 

< Paraprake		Pasuese >