Sllovenia ka dërguar emisar të posaçëm për zgjidhjen e kontestit të pjesëmarrjes së Kosovës si shtet në samitin e Bërdos, që do të zhvillohet me 20 mars në Slloveni.

Kryeministri Borut Pahor, tha sot se ka angazhuar një të dërguar të posaçëm në Zagreb dhe Beograd, me qëllim të zgjidhjes së pjesëmarrjes së Kosovës në konferencën për Ballkanin Perëndimor.


Kjo për arsye se Serbia po kundërshton që Kosova të përfaqësohet si shtet i pavarur, ndërsa ka kërkuar që Prishtina mund të përfaqësohet vetëm me sloganin Kosovo-UNMIK, nën rezolutën 1244.

Kryeministri Pahor, sipas agjencisë sllovene të lajmeve STA, ka thënë për shkak të kësaj bllokade, rrezikohet edhe vetë mbajtja e konferencës, por edhe nëse mbahet, ai thotë të mos jetë në pritje të një rezultati pozitiv.

< Paraprake		Pasuese >