Trupat e KFOR-it amerikan në Kosovë, që aktualisht janë rreth 1400, deri në maj të këtij viti, do të reduktohen në rreth 800.

Kështu deklaroi komandanti i Grupit Shumëkombësh të Betejës, Alan Doherman, në takimin që mbajti me gazetarë.

Ndërkaq, sa I përket raporteve të ngrira mes FSK-së dhe NATO-së, ai tha se nuk është kompetencë e tij dhe e KFOR-it amerikan që të përzihet në këtë çështje. Por tha se kjo punë duhet të zgjidhjet sa më shpejt me anë të bisedimeve mes dy palëve.

Doherman nuk komentoi kush është humbës në këtë rast, por tha se çështje të tilla nuk janë në interes të askujt, dhe se NATO ka pas bashkëpunim dhe ka ndihmuar në ngritjen e FSK-së. Sipas tij, qëllimi i KFORIT, nuk është dënimi i FSK-së por arritja e një marrëveshje mes dialogut. Në këtë dialog mohoi të jetë i përfshirë edhe brigade e tij. Ai foli edhe për çështje ndëretnike, për vijën kufitare dhe tha se qëllimi kryesor i KFOR-it është ruajtja e një mjedisi të qetë dhe të sigurt, për të gjithë pa dallim etnie race apo gjinie.

< Paraprake		Pasuese >