Komandanti i KFOR-it mori vendim plotësisht të bazuar për ngrirjen e raporteve me Forcën e Sigurisë së Kosovës pasi “veprimet e tilla si të FSK-së, të premten, dërgojnë sinjale të gabuara”, tha zëdhënësi i Aleancës, Xhejms Apathurai, raporton Evropa e Lirë.

Ky medium bën të ditur se edhe diplomatë të Aleancës e kanë cilësuar të gabuar parakalimin e trupave të Forcës së Sigurisë së Kosovës me armë dhe me flamur të NATO-s në manifestimin “Epopeja e UÇK-së”.

Të njëjtat burime, sipas radio Evropa e Lirë, pohojnë se FSK-ja nuk duhet të shihet si ushtri, pasi ajo është menduar si forcë civile e sigurisë, me përbërje shumetnike dhe e trajnuar nga vendet anëtare të NATO-s.

< Paraprake		Pasuese >