Tre azilkërkues kanë bërë vetëvrasje në Glasgou të Skocisë, duke u hedhur nga një ndërtesë 15 katëshe. Mediat skoceze më parë dyshuan se ata ishin shtetas kosovarë, por ambasadori i Kosovës në Britani të Madhe, Muhamet Hamiti konfirmoi se ata nuk janë shqiptarë nga Kosova.

Ndërkohë nuk dihet se cilit nacionalitet i përkasin. Besohet se ata janë dy meshkuj dhe një femër, të moshës rreth 30 vjecare, të cilëve u ishte refuzuar kërkesa për azil.

Ndërkohë, policia ka thënë se nuk ka prova të jenë vrarë. Hetuesit ende janë duke bërë përpjekje të mësojnë identitetin e viktimave.

Sipas dëshmisë së një fqinje të tyre, të ndjerët kishin marrë një letër në të cilën thuhej se do të riktheheshin në atdhe, mirëpo, ajo nuk ka saktësuar se nga kush ishte dërguar kërkesa.

< Paraprake		Pasuese >