Jo vetëm paraqitja e armëve dhe stili ushtarak i gardës së nderit të FSK-së, më 5 mars i kishte penguar KFOR-it.
Valimi i flamurit të NATO-s në ceremoni gjithashtu ishte e papranueshme për KFOR-in, pasi kjo forcë është neutrale karshi statusit të Kosovës.
Këto janë arsyet të cilat kanë shty KFOR-in për të pezulluar përkrahjen, monitorimin dhe aktivitet trajnuese për Forcën e Sigurisë së Kosovës.
Të gjitha këto sqarime, KFOR-i i ka bërë të ditur të dielën në një komunikatë për media.
Komandanti i KFOR-it, Markus Bentler, u ka kërkuar autoriteteve relevante një sqarim të konsiderueshëm rreth incidentit, veprim të përshtatshëm korrigjues dhe garanci se veprime të tilla nuk do të përsëriten më.
Ndërkohë për kohëzgjatjen e pezullimit misioni i NATO-së thotë se do të jetë në fuqi deri në një njoftim të ardhshëm.
E nga autoritetet kosovare, të dielën nuk pati asnjë koment për këtë acarim marrëdhëniesh me NATO-në.

< Paraprake		Pasuese >