Ministri i Jashtëm slloven Samuel Zhbogar, ka bërë të ditur se në knferencën e Ballkanit perëndimor që do të mbahet më 20 mars, në Bërdo të Sllovenisë, nuk do të vendosen emrat e shteteve.

Kjo vlerësohet prej autoriteteve sllovene si një zgjidhje për Kosovën e cila është lakuar mjaft se mund të prezantohen me emrin Kosovo/UNMIK.

Ndërkohë presidenti Sejdiu dhe kryeministri Thaçi kanë deklaruar se Kosova do të marrë pjesë vetëm si shtet, pavarësisht paralajmërimit të z. Zhbogar.

Serbia ka kërkuar që Kosova të përfaqësohet nën emrin Kosovo/UNMIK, por reagimi i vazhdueshëm i autoriteteve të Kosovës është se vendi ynë do të përfaqësohet atje vetëm nën emrin e saj dhe si shtet i pavarur.

Në konferencë Kosova pritet të përfaqësohet nga Presidenti Fatmir Sejdiu dhe shefi i UNMIK-ut Lamberto Zannier.

< Paraprake		Pasuese >