Krerët e institucioneve të Kosovës, në 12 vjetorin e Epopesë së UÇK-së, bënë homazhe pranë varrezave të Dëshmorëve në Prekaz.

Ata thanë se sakrifica sublime e komandantit legjendar Adem Jashari dhe familjes së tij ka qenë, është dhe do të mbetet udhërrëfyes edhe në të ardhmen.

Presidenti Fatmir Sejdiu, tha se është obligim për të gjithë që Kosova të bëhet ashtu siç e deshën të gjithë ata që ranë për lirinë e saj.

Kryeministri Hashim Thaçi, tha se Prekazi është vendi i lavdisë e krenarisë, por edhe i marrjes së përgjegjësive të reja në angazhimet demokratike, kombëtare dhe euroatlantike të Kosovës.

Kryeparlamentari Jakup Krasniqi, vlerësoi se Prekazi është vendi i cili i bashkon të gjithë shqiptarët. Manifestimi për Epopenë e UÇK-së, filloi dje dje dhe do të përmbyllet nesër me Natën e Zjarreve në vendin ku u sakrifikua familja Jashari.

< Paraprake		Pasuese >