Zëvendëskryeministri i Kosovës Hajredin Kuçi është takuar me një delegacion të Këshillit të Evropës të kryesuar nga shef i Zyrës së Sekretariatit të Përgjithshëm të këtij këshilli, zoti Jonas Jonsson.

Ata kanë biseduar në lidhje me Strategjinë Gjithpërfshirëse për Veriun dhe rolin e Bashkimit Evropian në zbatimin e kësaj strategjie. Jonsson, theksoi se për shkak të mungesës së plotë të unitetit të Brukselit zyrtar, Bashkimi Evropian nuk mund të japë qëndrim të saktë lidhur me këtë strategji.

Në anën tjetër Kuçi tha se përkrahja që Bashkimit Evropian mund t’i jipte implementimit të kësaj strategjie, nëpërmjet EULEX-it, është esenciale në krijimin e besimit tek të gjithë qytetarët Kosovës.

Duke folur për samitin e Sllovenisë, Johnsson siguroi Kuçi-n, se do të bëhet ç’është e mundur që Kosova të mos bllokohet nga Serbia dhe Bosnja e Herzegovina në iniciativat e bashkëpunimit rajonal.

< Paraprake		Pasuese >