Injorimi i pyetjeve të deputetëve nga kabineti qeveritar, mos përgjigjja në ftesat e komisioneve, mos prezenca e ministrave në seanca për paraqitjen e projektligjeve, janë vetëm disa mangësi që e kanë përcjell punën e Kuvendit të Kosovës për muajin shkurt.

Kështu vlerësoi Instituti Demokratik i Kosovës, në raportin e tij mujor të monitorimit të punës së Kuvendit. Po ashtu u tha se deputetët e Parlamentit, nuk janë të interesuar për luftimin e korrupsionit. Kjo me faktin se ata janë të pa interesuar për projektligjin për financimin e partive.

Sipas këtij instituti, lufta kundër korrupsionit do të duhej të fillonte nga vetë partitë. Pati vërejtje edhe për planin e veprimit të Kuvendit për integrimet evropiane.

KDI thotë se një pjesë e madhe e detyrave që janë parashikuar për vitin 2009, janë përsëritur edhe në planin për vitin 2010. Kjo le të kuptohet se sa shumë veprime ka bërë Parlamenti në këtë drejtim, thuhet në këtë raport. U vlerësua dorëheqja e kryeministrit nga posti i deputetit.

< Paraprake		Pasuese >