Shefi i EULEX-it, Iv de Kermabon tha se prioritet i këtij misioni evropian mbetet krijimi i mundësive që të gjithë qytetarët e Kosovës, të kenë qasje në drejtësi.

Kjo sipas tij, është edhe arsyeja pse duhet të rifillojë punën gjykata në veri të Mitrovicës, pasi gjendja aktuale i shkon për shtati vetëm kriminalitetit.

Në një intervistë për agjencinë Beta, pas takimit me zyrtarët serb në Beograd, ai mohoi se EULEX-i po merret vetëm me gjyqësinë dhe kriminalitetin në veri.
Ai, edhe njëherë përsëriti qëndrimin se plani për veriun i bërë nga ICO dhe Qeveria e Kosovës, nuk është plan i BE-së, ndërsa tha se EULEX-i po përparon në veri, por pa pasur në plan të përdor dhunën.
Në Beograd, dje qëndroi edhe shefi i UNMKIK-ut, Havier Zanieri. Edhe ai u takua me ministrin serb për Kosovën, GOran Bogdanoviq. Sipas medieve serbe. Të dy diskutuan për gjendjen në Kosovë, derisa ministri serb insistoi që UNMIK-u të vazhdoj me zbatimin e rezolutës 1244.

< Paraprake		Pasuese >