Shefi i misionit të BE-së në Kosovë Yves de Kermabon, pritet të vizitojë sot Beogradin. Ai do të takohet me Ministrin për Kosovë e Metohijë Goran Bogdanovic dhe zyrtarë të tjerë të drejtësisë.

Burime të EULEX-it kanë thënë se një prej qëllimeve kryesore të vizitës është bisedimi rreth rivendosjes të funksionimit të Gjykatës së Qarkut në pjesën veriore të Mitrovicës.

Burime nga ministria serbe kanë thënë se Bogdanovic dhe Kerambon do të diskutojnë cështje që kanë të bëjnë me juridiksionin e EULEX-it.

EULEX-i gjithashtu ka thënë se autoritetet kosovare janë njoftuar për vizitën e Kermabon në Beograd.

Vizita e Kermabo-së vjen vetëm një javë pas vizitës së fundit të përfaqësueses së lartë të Bashkimit Evropian, Catherine Ashton në Beograd dhe Prishtinë.

< Paraprake		Pasuese >