Aleanca për Ardhmërinë e Kosovës, akuzoi Ministrinë e Transportit dhe Telekomunikacionit, për diskriminim në investime dhe abuzim me paranë publike.

Avni Arifi tregoi se duke u bazuar në ndarjen buxhetore të kësaj ministrie, të cilin e ka publikuar në ueb-faqen e saj, del se 5 komuna që udhëhiqen nga PDK do të përfitojnë mbi 25 milion Euro investime, ndërsa 5 tjera që udhëhiqen nga AAK, vetëm 2 milion e 200 mijë Euro.

Sipas Arifit, komuna e Skenderaj përfiton investime vetëm për një vit, aq sa janë investuar në Pejë për 3 vjet. Në gjendje të njëjtë me komunat ku ka fituar AAK-ja, janë edhe ato që udhëhiqen nga partneri i koalicionit qeverisës, LDK-ja.

Gjithë këto të dhëna kanë të bëjnë me investimet në rrugë dhe projekte lokale dhe jo me ato nacionale. Arifi tha se ky mentalitet i qeverisjes po e rrezikon do të lejë pasoja të rënda për Kosovën në një të ardhme të gjatë.

< Paraprake		Pasuese >