Shefi i diplomacisë franceze, Bernar Kushner, e ka filluar vizitën e tij në Beograd me vënien e kurorës me lule në varrin e kryeministrit të vrarë serb Zoran Gjingjiq.

Kushner shoqërohej nga bashkëshortja e Gjingjiqit dhe ambasadorit francez në Serbi, Zhan-Fransoa Teral.

Ministri i Punëve të jashtme i Frances është takuar gjatë ditës me kryetarin serb, Boris Tadiq, zëvendëskryeministrin Boshidar Gjeliq dhe homologun e tij Vuk Jeremiq.

Tema kryesore e këtyre takimeve ishte Kosova dhe EULEX-i, si dhe zhvillimi i marrëdhënieve të Francës me Serbinë.

Kjo është vizita e parë e një ministri të jashtëm francez në Serbi që nga shpallja e pavarësisë së Kosovës që është përkrahur nga Franca. Kushner, ish-kryeadministrator i Kosovës, do të qëndrojë edhe për vizitë në Prishtinë, ku do të takohet me zyrtarët më të lartë të vendit.

< Paraprake		Pasuese >