Ambasadori jorezident i Kosovës në Zelandën e Re, Muhamet Hamiti, i ka dorëzuar sot Letrat Kredenciale Guvernatorit të Përgjithshëm të Zelandës së Re, Sir Anand Satyanand.

Ceremonia tradicionale e paraqitjes së letrave kredenciale u zhvillua në Shtëpinë e Qeverisë, në Uellington .

Ndërkohë, Hamiti takoi në Uellington zyrtarë të lartë të Qeverisë së këtij vendi, zëvendëssekretarin në Ministrinë e Jashtme dhe të Tregtisë z. Peter Hamilton, dhe drejtorin e divizionit për Evropë në këtë Ministri, z. George Troup, me të cilët bisedoi për mundësitë e bashkëpunimit në mes të dy vendeve.

< Paraprake		Pasuese >