Presidenti Fatmir Sejdiu nisi mbrëmë vizitën zyrtare në Republikën e Kroacisë. Ai fillimisht mori pjesë në darkën që ish presidenti kroat, Stipe Mesic, shtroi për krerët e shteteve të rajonit. Aty ishin të pranishëm edhe Bamir Topi i Shqipërisë, Filip Vujanoviq i Malit të Zi dhe Zhelko Komshiq i Bosnjës dhe Hercegovinës.

Pesë presidentet zhvilluan një takim joformal ku diskutuan për zhvillimet në rajon dhe bashkëpunimin mes vendeve respektive.

Në këtë takim ishin të pranishëm edhe përfaqësues të biznesit, ndërsa me këtë rast është bërë edhe prezantimi i një projekti afarist-rezidencial, i planifikuar të ndërtohet në Prishtinë.

Të enjten ai takoi presidentin slloven Danillo Tyrk, me të cilin bisedoi për thellimin e bashkëpunimit në mes dy vendeve, si dhe për mbështetjen që ky vend mund t’i japë Kosovës në procesin e integrimeve euroatlantike

< Paraprake		Pasuese >