Dega e LDK-së në Gjilan bëri të ditur se e mirëpret vendimin e Gjykatës Supreme për rivotime në këtë komunë për zgjedhjen e kryetarit.

Zëdhënësi i kësaj dege, Fidan Qerimi tha se një vendim i tillë është plotësisht i drejtë.
Sipas tij, të gjitha strukturat e LDK-së në Komunën e Gjilanit e vlerësojnë lartë durimin, qetësinë dhe kulturën e lartë të qytetarit të treguar gjatë gjithë kësaj kohe.
Ai tha se partia e tij i inkurajon gjilanasit që të dalin për të votuar, përsëri, kur për një gjë të tillë të vendos KQZ-ja.

Gjykata Supreme vendosi të martën që për kryetar të kësaj komune të votohet edhe njehërë, duke u zbatuar në rekomandimin e dytë të KZAP-it që po ashtu udhëzonte për rivotime.
Kandidati i PDK-së Qemajl Mustafa i tha dje Klan Kosovës se vendimi është i padrejtë dhe se në marrjen e tij ka ndikuar drejtpërdrejtë presidenti Fatmir Sejdiu.
Sidoqoftë, ai tha se do të fitojë përsëri ndaj kundërkandidatit nga LDK-ja, Fatmir Rexhepi.

< Paraprake		Pasuese >