Presidenti i Kosovës Fatmir Sejdiu, organizoi pritje për liderët e tjerë vendorë e ndërkombëtar me rastin e përvjetorit të pavarësisë së Kosovës.

Në takimin që e organizoi në Hotel Grand, morën pjesë numër i madh i mysafirëve, me të cilët ai i cakërroi gotat, në shenjë urimi për ditëlindjen e dytë të shtetit.

Presidenti Sejdiu, në fjalimin tij, theksoi të arriturat e vendit gjatë 2 vjetëve në pavarësi, ndërsa theksoi se sfida kryesore për këtë periudhë ishte integrimi i veriut.

Ai pranoi se në atë pjesë nuk sundon rendi dhe ligji, por premtoi se me bashkërendimin e faktorit vendor e ndërkombëtar, edhe atje të gjithë qytetarët do të jetojnë njësoj si në tërë Kosovën.

E sipas Sejdiut, qëllimet kryesore të shtetit të ri janë anëtarësimi në mekanizmat ndërkombëtar, veçanërisht në NATO dhe BE.

< Paraprake		Pasuese >