Zyra Civile Ndëkrombëtare në Kosovë ka përshëndetur zgjedhjet e gjyqtarëve dhe prokurorëve të Gjykatës Supreme të Kosovës, Prokurorisë së Shtetit dhe Prokurorisë Speciale.

Përfaqësuesi Civil Ndërkombëtar Pieter Feith me këtë rast ka thënë se qytetarët e Kosovës e dëshirojnë dhe e meritojnë një sistem gjyqësor të pavarur dhe profesional që i përmbush standardet ndërkombëtare.

“Këto emërime, rezultat i një procesi të plotë të verifikimit me ndihmesën e bashkësisë ndërkombëtare, janë një hap drejt realizimit të atij qëllimi” ka vlerësuar më tej Feith.

Sipas tij sistemi gjyqësor duhet të jetë i aftë të përballet me efikasitet dhe efektshmëri në punët e veta, të sigurojë se drejtësia po vihet në vend dhe të shihet se një gjë e tillë është duke u bërë. Pieter Feith u ka bërë thirrje pjesëtarëve të komuniteteve jo-shumicë që të aplikojnë gjatë të gjitha fazave të procesit të verifikimit dhe të riemërimit të gjyqtarëve dhe prokurorëve.

< Paraprake		Pasuese >