Një ortek i madh bore, bllokoi plotësisht rrugën që çon në qendrën e skijimit në Brezovicë.  Një gjë e tillë ndodhi rreth orës 3 e 15 minuta të mëngjesit të së shtunës, rreth një kilometër larg terreneve sportive.
Lajmin e konfirmoi zëdhënësi rajonal i policisë në Ferizaj, Agim Gashi.

Ai tha se njësitet policore kanë dalë menjëherë në vendin e ngjarjes dhe janë angazhuar të shohin nëse orteku ka zënë ndonjë automjet, por nuk kanë arritur të vërejnë diçka të tillë.

Sipas vlerësimeve të policisë, orteku i borës kishte rreth 30 metra gjatësi, 10 metra gjerësi dhe 3 deri 5 metra lartësi. Rruga është liruar për qarkullim në orët e para të pasdites, i tha Klan Kosovës zëdhënësi Gashi.

< Paraprake		Pasuese >