Kryeministri I Kosovës Hashim Thaçi ka dhënë dorëheqje nga posti i deputetit të Kuvendit të Kosovës.
Sipas tij këtë vendim ai e ka marrë në bazë të përkushtimit që ka ndaj Qeverisë së Kosovës, si dhe të përmbushjes në mënyrë sa më efikase të të gjitha detyrave të tij si kryeministër.

Thaçi i ka dorëzuar kërkesën kryetarit të legjislativit Jakup Krasniqi nëpërmjet një letre ku thuhet se “Duke u bazuar në nenin 70 paragrafin 3 (2) të Kushtetutës së Kosovës si dhe në pikën 5 të Rregullës nr. 14 të Rregullores së Punës së Kuvendit të Kosovës, ju paraqes dorëheqjen time nga pozita e deputetit të Kuvendit të Republikës së Kosovës”.


“Një gjë e tillë do të ndihmonte edhe vetë Kuvendin e Republikës së Kosovës në rritjen e efikasitetit në punë dhe krijimin e mundësisë për deputet të rinj që do të jenë të përkushtuar vetëm në punët dhe detyrat që përkojnë me funksionin e deputetit”, thuhet në fund të letrës që kryeministri Hashim Thaçi.

< Paraprake		Pasuese >