Kryeministri Hashim Thaçi tha sot se rruga e integruese është një proces me shumë rëndësi për Kosovën, ndërsa shtoi se duhet angazhim në përmbushjen e dhjetë prioriteteve strategjike për integrimin evropian të vendit.
Këto vlerësime ai i bëri gjatë takimit të katërt të Këshillit ndërministror për integrim evropian.

Aty ai vlerësoi se përmbushja e prioriteteve të caktuara do të ndihmonte në reformimin më të shpejt të shoqërisë e shtetit, ndërsa theksoi se rruga për integrim evropian përveç që nuk është e shkurtër, ka edhe plot sfida të cilat mund të kalohen më lehtë bashkërisht.

Kreu i qeverisë shtoi se pas publikimit, Agjencia për Koordinim, Zhvillim dhe Integrim Evropian ka bërë analizimin e Raportit të Progresit dhe janë identifikuar sfidat kryesore, të cilat duhet të adresohen drejt përmbushjes së kritereve dhe standardeve evropiane.

< Paraprake		Pasuese >