Opinioni i Gjykatës Ndërkombëtare të Drejtësisë do të sjell stabilitet për të gjithë rajonin por edhe brenda vet Kosovës, kështu ka vlerësuar zëvendëskryeministri njëherit shefi i diplomacisë së Luksemburgut Zhan Aselborn pas takimeve me liderët e institucioneve të vendit.

“Viti 2010 do të jetë shumë i rëndësishme për Kosovën, sepse pas opinionit të Gjykatës Ndërkombëtare të Drejtësisë, do të mund të ishte një mundësi e ndryshimit të qëndrimit të Serbisë sa i përket Kosovës, sepse aspiratat e Serbisë dhe të Kosovës varen nga integrimet evropiane, që një ditë të bëhen anëtare të Bashkimit Evropian, sikur edhe të gjitha vendet e tjera të rajonit”,


Z.Aselborn është pritur nga Presidenti Fatmir Sejdiu, kryeministri Hashim Thaçi dhe kryediplomati Skënder Hyseni të cilët kanë vlerësuar lartë kontributin e Luksemburgut që ka dhënë për çështjen e Kosovës si në aspektin politik ashtu edhe në atë ekonomik.

Gjatë takimit ministri i jashtëm kosovar dhe presidenti Sejdiu kursyen përkthyesit e tyre.

Ndërkaq, për dhjetë vitet e fundit Luksemburgu ka dhënë afro 60 milion euro ndihmë për vendin tonë.

< Paraprake		Pasuese >