Kryetari i LDD-së, Nexhat Daci i ka ofruar kryetarit të shtetit Fatmir Sejdiu i cili mban edhe postin e ngrirë të kryetarit të LDK-së, të lidhin sëbashku koalicion, siç thuhet për daljen e vendit nga kriza.

z. Daci e ka quajtur këtë lëvizje si një alternativë të mundshme për të dalë nga kriza e thellë.

Daci ka pranuar se I ka dërguar z. Sejdiu një letër, të cilën ai e quajti si ofertë për bashkëpunim, ofertë për një koalicion parazgjedhor, konform qëndrimeve të cilat I ka vlerësuar reale dhe duke respektuar rrugën e përbashkët që thotë se I kanë pasur një kohë të gjatë.

Letra nuk është bërë publike nga LDD, ndërkohë që këtë ia ka lënë në dorë kreut të LDK-së Fatmir Sejdiu që të vlerësojë, a dëshiron ta bëjë publike apo jo. Në fund ai ka theksuar se partia e tij nuk e ka në concept si e quajti ai, të luajë lojëra.


Daci gjithashtu në një konferencë për media ka reaguar në lidhje me zhvillimet aktuale politike në Kosovë, për pakënaqësitë e shprehura dhe protestat e vazhdueshme të punëtorisë së Kosovës, duke theksuar se “shtyllat kryesore të shtetësisë janë në ngërç”.

< Paraprake		Pasuese >