Sekretari serb për Kosovën, Oliver Ivanoviq reagoi sot ndaj deklaratës së kryetarit të Kuvendit të Kosovës, Jakup Krasniqit se shqiptarët e Luginës së Preshevës janë të gatshëm ti bashkohen Kosovës në rast se veriu ndahet dhe i ngjitet Serbisë.

Politikani serb kërkoi edhe reagimin e bashkësisë ndërkombëtare, ndaj kësaj deklarate që e cilësoi “luftënxitëse”. Sipas tij, Serbia e ka hedhur poshtë kaherë konceptin e këmbimit të territoreve.

Ndërkohë, Milan Ivanoviq reagoi sot ndaj zotimeve të kryeministrit Hashim Thaci se qeveria do të vendosë rend dhe ligj në veri.

Ivanoviq, i cili është njëri prej liderëve radikal të serbëve në veri, tha se kjo deklaratë e Thacit është kërcënim i qartë ndaj serbëve se Prishtina do të imponojë ligjet e veta me forcë.

Ivanoviq ka kërkuar nga ministri i Mbrojtjes së Serbisë, Dragan Shutanovac, që të reagoj në këtë që, ai e sheh si një kërcënim i hapur i Thaçit.

< Paraprake		Pasuese >