Komisionari i Këshillit të Evropës për të drejtat e njeriut, Thomas Hammarberg do të vizitojë Kosovën, nga 11 deri më 13 shkurt për të parë nga afër situatën e personave që janë kthyer me forcë në vendin tonë nga qeveritë evropianë.

Zyra për shtyp e KE-së bën të ditur se vetëm gjatë vitit 2009 janë kthyer më tepër se 2 mijë e 500 persona, kryesisht romë, nga Austria, Gjermania, Zvicrra dhe Suedia, që kanë përfunduar në kampet e kontaminuara me plumb në veri të Mitrovicës, Ceshma e Llugës dhe Osterod.

Komisionari do të vizitojë këto dy vende për të cilat, në raportin e tij të vitit 2009 ka rekomanduar të mbyllen.

Ai po ashtu ka bërë thirrje që të afektuarve në këto kampe t’u ofrohet strehim dhe kurse për shërimin nga kontaminimi.

< Paraprake		Pasuese >