Albin Kurti nuk do të paraqitet në seancat gjyqësore të thirrura nga EULEX-i, në lidhje me protestat e 10 shkurtit, të para 3 viteve. Kështu bëri të ditur Glauk Konjufca, aktivist i Lëvizjes Vetëvendosje.

Arsyeja për këtë, sipas Konjufcës është se, kjo nuk ka të bëjë me institucionet e Kosovës por, me një mision që nuk e njeh pavarësinë e vendit tonë dhe që është neutral në këtë çështje.

Këto deklarata Vetëvendosje i bëri në një konferencë për media, një ditë para përvjetorit të 3-të të demonstratës që rezultoi me dy të vdekur dhe dhjetëra të plagosur.

Sipas kësaj lëvizjeje, policia kishte dalë atë ditë në rrugë për të vrarë. Për mos zbardhjen e këtyre vrasjeve, 3 vjet pas, reaguan të martën edhe Amnesty International dhe Këshilli për Mbrojtjen e të Drejtave dhe Lirive të Njeriut.

Amnesty Internatinal shpreh shqetësimin se koha po kalon gjithnjë e më shumë dhe nuk po ka llogaridhënje për vrasjet e paligjshme. Ndërsa KMDLNJ, kërkon përgjegjësi penale nga policët rumunë të UNMIKut, nga ish shefi i kësaj policie, Stivën Kërtis që sipas këtij këshilli e kalon pleqërinë diku në Anglinë Demokratike, dhe nga Stivën Shuk, që po sipas KMDLNJ-ës, bënë fushatë politike në Kosovë.

Gjatë ditës së mërkurë nesërme paralajmërohet se “Vetëvendosje” do të organizojë aktivitete të ndryshme, në përkujtim të demonstratës së 10 shkurtit.

< Paraprake		Pasuese >