Kryetari I Prishtinës, Isa Mustafa mbajti një konferencë ku prezantoi qeverinë e tij. Ai tha se dy vitet e kaluara Prishtina kishte shumë suksese të cilat ishin edhe meritë e drejtorëve, shumë prej të cilëve përsëri morën këto poste.

Mustafa tha se këtë vit do të bëhen 29 milion euro investime kapitale, do të forcohet drejtoria e pronës, ajo e urbanizimit si dhe do të legalizohen objektet pa leje të cilat i plotësojnë kushtet.

Prioritet tjetër gjatë vitit 2010 do të jenë rinia dhe sporti.

I pari i Prishtinës për këtë vit premtoi rregullimin e sheshit të pavarësisë Ibrahim Rugova, dhe inkuadrimin e tij në sheshin Nëna Terezë, si dhe ndërtimin e shesheve të reja, si ai Bill Klinton dhe atë në rrugën B, në Prishtinën e re. U premtuan edhe shkolla të reja në Sofali, Kalabri dhe Kodër të trimave.

< Paraprake		Pasuese >